L-Aħħar Tagħrif
RESQIN LEJN L-AĦĦAR ATTIVITAJIET TAS-SUMMER CLUB
KALENDARJU TAL-AĦĦAR ĠRANET
L-Erbgħa 27 t’Awwissu: Fid-9:00am - Quddiesa ta’ Radd il-Ħajr, u Prova Ġenerali tal-Varjeta’.
L-Erbgħa 27 t’Awwissu: Fit-8:00pm - Varjeta’ bit-tema “Concert For Peace” u Bar-be-Cue fi Pjazza Santu Wistin għal Kulħadd. Biljetti sa għada t-Tnejn.
Il-Ġimgħa 29 t’Awwissu: Fid-9.00am - Ħarġa għar-Ramla. Biljetti minn qabel.
IL-CONCERT TAL-AĦĦAR TAD-DON BOSCO SUMMER CLUB 2025 U L-BBQ GĦAL KULĦADD
Bħalma issa saret tradizzjoni, it-tmiem uffiċjali tad-Don Bosco Summer Club 2025 jasal bil-Kunċert tal-Aħħar u BBQ għal Kulħadd fi Pjazza Santu Wistin quddiem l-Oratorju. Dawn se jsiru nhar l-Erbgħa li ġejja 27 t’Awwissu fit-8:00pm fi Pjazza Santu Wistin. It-tema tal-Concert din is-sena hija l-Paċi. Inħeġġukom biex tiġu u tissapportjaw it-tfal u ż-żgħażagħ tagħna li se jwasslulna messaġġ importanti. Il-biljetti tal-BBQ jistgħu jinxtraw mingħand d. Effie sa għada t-Tnejn f’nofsinhar. It-tfal li qed jieħdu sehem fil-Concert qed jingħataw Biljett b’xejn. Il-prezz tal-Biljetti għall-Kbar huwa ta’ €25. Tat-tfal huwa: €12.
WIRJA
Dan il-weekend qed tiftaħ Wirja fil-Foyer bi crafts, xogħol u arti tat-tfal li nħadmu mal-leaders tagħna matul dawn ix-xahrejn li fih kien għaddej il-Klabb tas-Sajf. Hemm ukoll għadd ta’ ritratti li jagħtu ideja żgħira ta’ dak li kienu jagħmlu t-tfal matul is-sajf. Morru arawha sal-Erbgħa.
GRAZZI U INKURAĠĠIMENT LIT-TFAL U LIL-LEADERS
Wasalna fl-aħħar ġimgħa tas-Summer Club 2025. Nistednukom tkunu preżenti magħna fl-aħħar attivitajiet li se jsiru tul din il-ġimgħa. Il-preżenza tagħkom turi r-radd ta’ ħajr, l-apprezzament u l-inkuraġġiment li nixtiequ nagħtu lit-tfal u lil-leaders tagħna, speċjalment liż-żgħażagħ, għax-xogħol li wettqu tul l-aħħar xahrejn.
APPELL GĦAL DAQQA T’ID
Minħabba d-diversi attivitajiet fl-aħħar ġimgħa tas-Summer Club li jirrikjedu daqsxejn xogħol, nagħmlu appell għal min jista’ jgħin. Min jaħseb li jista’ jagħti daqqa t’id, speċjalment nhar l-Erbgħa, għandu jkellem lil Dun Effie.
ĦARĠA GĦAR-RAMLA
L-aħħar attivita’ tas-Summer Club se tkun Ħarġa r-Ramla nhar il-Ġimgħa. Tluq mill-Oratorju fid-9:00am. Inkunu lura f’nofsinhar. Il-biljetti huma b’xejn u jingħataw lit-tfal waqt il-Concert li jsir l-Erbgħa filgħaxija.
ONLINE BOOKING GĦALL-MUSICAL “BEAUTY & THE BEAST”
L-online booking għall-musical “Beauty and The Beast” li l-Oratorju se jtella’ f’Novembru hu miftuħ. Għall-booking tistgħu tidħlu fuq is-sit theatre.donboscogozo.org. Il-booking mill-Foyer jiftaħ f’Ottubru.
