L-Aħħar Tagħrif
GRAZZI WARA Ż-ŻJARA TA’ DUN FABIO
Iż-żjara ta’ Dun Fabio fostna kienet success kbir. Dun Fabio u l-komunita’ sależjana rringrazzjawna tal-laqgħa sabiħa li għamilnilu. Grazzi wkoll tal-għotja ta’ €1370 li nġabru waqt il-Quddiesa Solenni tal-Ħadd b’riżq il-missjonijiet sależjani fl-Ukrajna u fil-Myammar. Jalla nibqgħu ngħożżu dawn il-mumenti sbieħ kif ukoll il-kelmiet mill-qalb li wasslilna Dun Fabio bħala l-11 il-suċċessur ta’ Don Bosco.
IT-TIENI ĦADD TAX-XAHAR
Illum it-Tieni Ħadd tax-Xahar qed issir il-Ġabra speċjali għax-xahar t’Ottubru b’riżq il-fond tar-Refurbishment tal-Oratorju. Kunu ġenerużi.
OTTUBRU: IX-XAHAR TAR-RUŻARJU
Infakkrukom li matul Ottubru kuljum tingħad it-talba tar-Rużarju quddiem Ġesu’ Ewkaristija. Tibda fis-6.35pm (qabel il-Quddiesa ta’ filgħaxija).
ONLINE BOOKING GĦALL-MUSICAL “BEAUTY & THE BEAST”
Bħalissa għaddejjin tħejjijiet intensivi għall-musical rinomat ta’ Disney BEAUTY AND THE BEAST li se jsir live fl-Oratorju fi żmien xahar. Il-musical se jittella’ ħames darbiet: il-Ġimgħa 7 ta’ Novembru fis-7:30pm, is-Sibt 8 ta’ Novembru fis-7:30pm, il-Ħadd 9 ta’ Novembru fis-2:30pm, is-Sibt 15 ta’ Novembru fis-7:30pm u l-Ħadd 16 ta’ Novembru fil-5:30pm. Il-booking huwa miftuħ kuljum mill-Booking Office tal-Oratorju bejn il-5:00pm u s-6:30pm. Jista’ wkoll isir bit-telefon fuq 2155 6616 jew 9948 7751 jew inkella online fuq is-sit theatre.donboscogozo.org. Il-prezz tal-biljetti huwa ta’ €30 u €40.
TINSEWX IL-LAQGĦAT TA’ KULL NHAR TA’ ĠIMGĦA
Fil-ġranet li għaddew bdew il-Laqgħat għal kull kategorija ta’ studenti u żgħażagħ. Jiddispjaċina ninnutaw li għandna ħafna, anki minn dawk li jiffrekwentaw l-Oratorju, li s’issa mhumiex jattendu. Ejjew bħala insara nagħtu l-ewwel u l-ogħla importanza lill-formazzjoni nisranija qabel kull ħaġa oħra! Ġenituri, insistu fuq uliedkom dwar dan:
Years 8 & 9 (Forms 2 & 3) - 5:30pm
Years 10 & 11 (Forms 4 & 5) - 7:45pm
Zgħażagħ 16+ (6th Form & MCAST) - 8:30pm
Zgħażagħ 18+ (Universita’, MCAST, ITS) - 8:30pm
