L-Aħħar Tagħrif
NHAR L-ERBGĦA HUWA L-AĦĦAR JUM TAS-SENA
Nhar l-Erbgħa li ġejja, l-aħħar jum tas-sena 2025, jixraq li rroddu ħajr lil Alla għal kulma għamel magħna. Dritt wara l-Quddiesa tas-7:00pm dakinhar nagħmlu ftit mumenti ta’ Adorazzjoni, ngħidu t-Talba tat-Te Deum, u nieħdu l-Barka Sagramentali. Inħeġġukom mhux biss li nipprogrammaw id-divertiment tal-Aħħar tas-Sena, imma nipprogrammaw fuq kollox ir-Radd ta’ Ħajr tagħna lil Alla.
L-EWWEL ĠIMGĦA TAX-XAHAR U L-EWWEL ĠIMGĦA TAS-SENA
Nhar il-Ġimgħa hija l-Ewwel Ġimgħa tax-Xahar. Dritt wara l-Quddiesa ta’ filgħaxija jkollna ftit mumenti ta’ Adorazzjoni għal kulħadd. Imbagħad fit-8.30pm issir il-Quddiesa għaż-Żgħażagħ tal-Ewwel Ġimgħa tax-Xahar. Inħeġġuhom jattendu ħalli nibdew is-sena bit-tajjeb mal-Mulej.
IL-QUDDIES NHAR IL-ĦAMIS FL-EWWEL JUM TAS-SENA
L-Ewwel Jum tas-Sena, nhar il-Ħamis, huwa dedikat lil Omm Alla. Il-Quddies fl-Oratorju dakinhar ikun bħal nhar ta’ Ħadd, jiġifieri fit-8.00am u fl-10.30am. Anki jekk tkunu smajtu quddiesa l-Erbgħa filgħaxija tħallux is-sena tibda mingħajr ma ssellmu lill-Mulej u lil Ommu Marija bis-sehem tagħkom f’xi Quddiesa matul il-ġurnata tal-Ħamis!
BREAKFAST WITH SANTA
Nhar it-Tnejn li ġej, il-Kumitat taż-Żgħażagħ se jorganiżża għal darb’oħra “Breakfast with Santa” fl-Oratorju. Għall-booking ċemplu fuq 21556616 jew 99487751 mhux aktar tard mil-Ħadd.
HOLIDAY HIKE
Din se ssir nhar is-Sibt li ġej għall-istudenti u ż-żgħażagħ. Nitilqu mill-Oratorju fis-1:30pm. Inkunu lura sal-4:30pm.
DESK CALENDARS
Fl-aħħar ġimgħat tqassmu d-Desk Calendars tal-Oratorju b’appell biex min irid jagħti offerta libera b’riżq l-Oratorju. Min ma irċeviex kopja jista’ jikkuntattja lil d. Effie.
KIRI TAL-BAR TAL-ORATORJU
Il-Bar tal-Oratorju se jkun qed jinkera minn Jannar li ġej. Min hu interessat għandu jikkuntattja lid-Direttur tal-Oratorju u jakkwista kopja tal-Kundizzjonijiet tal-Kiri. Ibgħatu email fuq
CINE-FAMILJA FL-EWWEL TAS-SENA
Nhar il-Ħamis, l-Ewwel Jum tas-Sena, jsir ukoll il-Film għall-Familja kollha. Dakinhar se jintwera l-film “Tron Ares”. Il-ħin fil-5.30pm.
