L-Aħħar Tagħrif
ĠABRA GĦALL-FONDAZZJONI ARKA
Il-Ġbir li qed isir fil-Quddies ta’ dan il-weekend fid-djoċesi t’Għawdex qed ikun b’riżq il-Fondazzjoni Arka. Kunu ġenerużi biex bil-kontribut tagħna nkomplu ngħinu lil min qed jagħmel ġid kbir mal-persuni speċjali fis-soċjeta’ tagħna.
IKLA MILL-ORATORY YOUTHS
Il-Ħamis li ġej 8 ta’ Ġunju se jsir l-End of Season Dinner tal-Oratory Youths fil-Grand Hotel ix-Xatt fis-7:30pm. Se jkun hemm mistieden Teodoro Coppola, direttur tat-Torino FC Academy. Booking mill-membri tal-Kumitat jew mill-Bar. Fl-istess okkażjoni se jingħata ċertifikat lill-plejers.
DON BOSCO SUMMER CLUB 2023
L-applikazzjonijiet għad-Don Bosco Summer Club 2023 għalqu fl-aħħar ta’ Mejju. Imma issa qed jintlaqgħu biss applikazzjonijiet għal dawk il-klassijiet fejn għad hemm il-wisgħa. Min hu interessat ikellem lil Dun Effie u mbagħad jimla applikazzjoni. L-applikazzjonijiet jinkisbu mill-Foyer tal-Oratorju jew minn fuq il- facebook page jew minn fuq din il-website. Il-Klabb tas-Sajf din is-sena se jkun mill-Ġimgħa 7 ta’ Lulju sal-Ġimgħa l-1 ta’ Settembru.
APPLIKAZZJONIJIET GĦAL-LEADERS U VOLUNTIERA
Minħabba n-numru kbir ta’ tfal li għandna dan is-sajf, madwar 190, għandna bżonn ta’ iktar leaders, voluntiera u animaturi. Għalhekk qegħdin nagħmlu appell mill-ġdid biex ikollna aktar minn dawn il-persuni magħna tul is-sajf. Dawk li jixtiequ u jistgħu joffru ftit ħin fil-ġimgħa b’riżq it-tfal jistgħu jikkuntattjaw lil Dun Effie u jimlew applikazzjoni apposta. L-applikazzjonijiet tal-leaders jinkisbu mill-Foyer jew mill-facebook page jew mill-website tal-Oratorju.
“VICKY TAL-BELT VICTORIA”
L-Oratorju Don Bosco flimkien mal-Kunsill Lokali tal-Belt Victoria se jtella’ spettaklu komiku u storiku marbut mal-ġrajja ta’ beltna nhar il-Ħadd li ġej 11 ta’ Ġunju fis-7:00pm fit-teatru tagħna. Hija show li dawk kollha li jħobbu lil beltna, għandhom ikunu preżenti għaliha. Id-dħul għal dan l-ispettaklu huwa b’xejn. Imma min irid, jista’ jirriserva l-biljetti minn qabel billi jew jibbukkja onlajn fuq il-websajt tal-Oratorju (donboscogozo.org) jew inkella jibgħat SMS fuq 99487751. Il-booking jista’ jsir ukoll permezz ta’ email lil This email address is being protected from spambots. You need JavaScript enabled to view it..
NHAR IL-ĦADD IL-KORPUS
Nhar il-Ħadd taħbat il-Festa tal-Ġisem u d-Demm tal-Mulej, magħrufa bħala l-Korpus. Matul in-nofs ta’ nhar ta’ filgħodu ikollna, bħas-snin l-imgħoddija, l-Adorazzjoni fil-Kappella, anki bejn il-Quddiesa tat-8.00am u dik tal-10.30am. Fi tmiem il-Quddies issir ukoll Purċissjoni qasira bl-Ewkaristija madwar il-grawnd li tintemm bil-Barka Sagramentali. Kunu preżenti biex turi tassew li tħobbu lil Ġesu’ Ewkaristija.
XEMGĦA GĦAS-SAGRAMENT
Bħalma tafu quddiem is-Sagrament dejjem ikollna xemgħa tixgħel lejl u nhar. Biex intaffu ftit mill-ispejjeż ta’ dawn ix-xemgħat, b’konnessjoni mal-Festa tal-Korpus nixtiequ nagħmlu Appell biex, min jista’, nhar il-Ħadd iġib miegħu xemgħa għas- Sagrament.
