L-Aħħar Tagħrif
WASLET IL-FESTA TA’ MARIJA GĦAJNUNA TAL-INSARA
Il-Festa ta’ Marija Għajnuna tal-Insara tkun ċelebrata nhar is-Sibt li ġej 24 ta’ Mejju. Nhar is-Sibt il-kappella tkun miftuħa l-ġurnata kollha għall-qima tal-pubbliku. Filgħodu se ssir Quddiesa għall-Anzjani tad-Dar tal-Imtarfa fil-11:00am. Imma nħeġġu lil kull min jiffrekwenta l-Oratorju biex ikun preżenti fil-kappella s-Sibt filgħaxija. Il-programm tas-Sibt filgħaxija huwa dan:
Fis-6.30pm - Rużarju
Fis-7.00pm - Quddiesa mill-Kappillan tal-Fontana, il- Kan. Dun Simon Cachia, animata mill-Chorus Urbanus. Tkun tinkludi l-preżentazzjoni u t-tberik tat-trabi u t-tfal lill-Madonna.
Fis-7.45pm - Purċissjoni fi Pjazza Santu Wistin u Ċelebrazzjoni Ewkaristika.
Fit-8.30pm - Jibda b’Quddiesa Lejl Adorazzjoni organiżżat mill-Moviment Ewkaristiku. Jintemm b’Quddiesa oħra f’nofsillejl.
Min iħobb lil Don Bosco m’għandux jonqos li jkun preżenti f’din il-manifestazzjoni lil Ommna Marija fil-festa li ried u beda fl-Oratorji tiegħu Don Bosco stess.
LEJLET IL-FESTA TA’ MARIJA GĦAJNUNA TAL-INSARA
Nhar il-Ġimgħa, Lejlet il-Festa, se ssir Quddiesa għat-Tfal tal-Iskola Laura Vicuna fid-9:00am. Imbagħad filgħaxija fis-6.30pm ngħidu t-Talba tar-Rużarju. Fis-7.00pm issir Quddiesa Solenni bl-Ewwel Għasar tal-Madonna integrat magħha.
TKOMPLI N-NOVENA TAL-GĦAJNUNA TAL-INSARA
Kuljum din il-ġimgħa niltaqgħu għat-Talba tar-Rużarju quddiem Ġesu’ Sagramentat fis-6:35pm, u jkollna ħsieb qasir fil-Quddiesa tas-7:00pm.
KORS IEĦOR TAL-FIRST AID
Nhar is-Sibt 31 ta’ Mejju se jkollna l-aħħar Kors tal-Ewwel Għajnuna (“First Aid”) fl-Oratorju. Il-ħlas tal-Kors huwa ta’ €50. Min hu interessat għandu jibbukkja ma’ David Galea (79268643) malajr kemm jista’ jkun. Mal-booking jintalab depożitu ta’ €25.
SUMMER CLUB 2025
L-applikazzjonijiet tad-Don Bosco Summer Club 2025 kemm għat-tfal kif ukoll għal-leaders issa huma miftuħa. L-applikazzjonijiet mimlija jibqgħu jintlaqgħu sal-31 ta’ Mejju. L-applikazzjonijiet jistgħu jinkisbu kemm mill-Foyer tal-Oratorju kif ukoll online minn fuq il-website tal-Oratorju.
FILM DWAR L-OLOKAWST
Nhar il-Ħadd li ġej fil-5:30pm se jintwera l-film “The Weight of Memory: I am Bernie Furshpan”. Dan il-film dwar l-Olokawst sar u se jintwera minn iben vittma li ħelisha mill-mewt taħt in-Nażi, u li se jkun preżenti fl-Oratorju għal Question & Answer session wara l-film. Biex tirriserva biljett b’xejn idħol fis-sit: https://iambernie.com/gozo.
