L-Aħħar Tagħrif
POCKET CALENDARS U DESK-CALENDARS TAL-ORATORJU
F’dawn l-aħħar ġranet tqassmu l-Pocket Calendars tal-Oratorju tas-sena 2025. Min għal xi raġuni għadu ma akkwistax Pocket-Calendar jew Desk-Calendar jista’ jieħu kopja min-naħa ta’ wara tal-Kappella jew inkella ikellem lil Dun Effie.
ĠEJJIN ĠIMGĦAT TA’ TAĦBIT
Issa li qed jiġu fi tmiemhom il-festi tal-Milied u tal-Ewwel tas-Sena, irridu nibdew inħejju għall-attivitajiet li ġejjin fuqna fil-ġimgħat li ġejjin b’rabta mal-Festa tal-Patrun tagħna San Ġwann Bosco. Jum il-Festa din is-sena ser jaħbat il-Ħadd 2 ta’ Frar, imma ċ-ċelebrazzjonijiet marbuta mal-festa jibdew mill-Ħamis 23 ta’ Jannar. Il-programm ikun pubblikat dalwaqt.
GĦAD-DAR TAL-PROVVIDENZA
Il-ġbir li sar fl-Oratorju nhar l-Erbgħa b’riżq id-Dar tal-Provvidenza laħaq is-somma ta’ €250. Grazzi mill-qalb.
RIĊEVIMENT FESTIV GĦALL-KOLLABORATURI TAL-ORATORJU U GET-TOGETHER GĦAL KULL MIN ĦA SEHEM FIL-MUSICAL “THE HUNCHBACK OF NOTRE DAME”
Għada t-Tnejn 6 ta’ Jannar l-Oratorju se jagħmel Riċeviment Festiv għall-kollaboraturi kollha tiegħu kif ukoll għal dawk kollha li ħadmu jew taw daqqa t’id fl-aħħar produzzjoni kbira li saret fit-Teatru tagħna: il-musical “The Hunchback of Notre Dame”. Niltaqgħu fis-6:00pm biex nibdew naraw il-filmat tal-musical, u mbagħad għall-ħabta tas-7:30pm ikollna r-riċeviment festiv. Kulħadd mistieden. Nistennewkom.
STRINA LILL-ORATORJU
Grazzi lil dawk li fl-okkażjoni ta’ dan l-istaġun festiv ftakru fl-Oratorju u taw l-Istrina tagħhom lil dan il-post. Don Bosco ipattilkom tal-imħabba tagħkom lejh.
PANTOMIMA FL-ORATORJU
Il-Pantomima bil-malti “Sleeping Beauty” se tittella għall-aħħar darba fit-Teatru tal-Oratorju illum il-Ħadd fil-5:30pm. Biljetti jinkisbu online minn ktrmalta.com jew bit-telefon: 99476468, jew inkella mill-Booking Office qabel is-show.
GRAZZI TAL-IMPENN FIL-MILIED
Ix-xahar tal-Milied fl-Oratorju kważi għadda. Kienu sitt ġimgħat impenjattivi ħafna. Grazzi mill-qalb hi dovuta lil dawk kollha li taw daqqa t’id, organiżżaw jew ħadmu biex seta’ jsir il-programm kollu li kellna.
M’HEMMX ĊINE-FAMILJA LLUM
Minħabba li llum fil-5:30pm se ssir għal darb’oħra l-Pantomima bil-malti “Sleeping Beauty” mill-Kumpanija Teatru Rjal, il-film ta’ kull nhar ta’ Ħadd illum ma jsirx. Ċinefamilja ikompli mill-ġdid minn nhar il-Ħadd li ġej fil-5:30pm.
