L-Aħħar Tagħrif
ATTIVITA’ TEATRALI DWAR L-ISTORJA TAL-BELT VICTORIA
L-Oratorju Don Bosco bil-kollaborazzjoni tal-Kunsill Lokali tal-Belt Victoria se jippreżenta spettaklu ta’ daħk u divertiment dwar l-istorja ta’ beltna nhar il-Ġimgħa 26 ta’ Ġunju fit-8:00pm. Id-dħul huwa b’xejn. Il-biljetti jinqatgħu jew online jew mill-Booking Office kuljum bejn il-5:00pm u s-6:15pm.
FESTA TAL-QALB TA’ ĠESU’
Il-Ħadd fil-Parroċċa tal-Fontana qed tkun ċelebrata l-Festa tal-Qalb ta’ Ġesu’. Nawguraw il-Festa t-Tajba lil dawk kollha li llum huma jew iħossuhom “tal-Festa”. Ejjew illum ukoll ilkoll kemm aħna nistqarru l-imħabba tagħna lejn Ġesu’ billi nersqu lejH f’mument ta’ riflessjoni u talb, waqt li nħalluH jispirana fl-imħabba tagħna lejn xulxin.
PRESENTATION NIGHT TAS-SNOOKER CLUB
Din is-Serata se ssir nhar l-Erbgħa li ġejja 17 ta’ Ġunju fis-7:30pm waqt 3-Course Dinner fl-Oratorju. Prezz: €25. Ibbukkjaw fil-Bar jew għand xi membru tal-Kumitat sa għada t-Tnejn.
DON BOSCO SUMMER CLUB 2026
L-applikazzjonijiet ghat-tfal u ghal-leaders huma miftuha, u jibqghu jintlaqghu sal-31 ta’ Mejju. L-applikazzjonijiet jinkisbu kemm mill-Oratorju kif ukoll online jew mill-iskejjel. L-applikazzjonijiet bil-hlas dovut jintlaqghu fil-Booking Office tal-Oratorju kuljum bejn il-5:00pm u s-6:15pm. L-applikazzjonijiet tal-leaders jintlaqgħu wkoll fl-istess ħinijiet jew jistgħu jintbagħtu bil-posta elettronika. ‘Il quddiem issir Laqgħa ta’ Tħejjija għal dawn il-voluntiera.
Il-Klabb tas-Sajf din is-sena se jkun mit-3 ta’ Lulju sat-28 t’Awwissu.
LEADERS U VOLUNTIERA TAS-SUMMER CLUB
Filwaqt li nagħmlu appell mill-ġdid għal iktar leaders, voluntiera u animaturi għas-Summer Club, nixtiequ nistiednu lil dawk li offrew li jgħinu biex jattendu għal Laqgħa ta’ Tħejjija. Din se ssir nhar il-Ġimgħa li ġejja, 19 ta’ Ġunju, fil-5:30pm. Il-laqgħa ddum madwar siegħa. Min ma jistax jattendi dakinhar nitolbuh ikellem lil Dun Effie.
ĠABRA B’RIŻQ L-ARKA
Il-ġbir li sar fil-Quddies tal-weekend li għadda fl-Oratorju b’riżq il-Fondazzjoni ARKA laħaq is-somma ta’ €130. Grazzi.
