L-Aħħar Tagħrif
ĦARĠA GĦAL KULĦADD F’MALTA
Il-Ħarġa tradizzjonali tas-sajf għal dawk kollha li jattendu s-Summer Club se ssir nhar l-Erbgħa 5 t’Awwissu. Dakinhar nitilqu fis-7:00am mill-Oratorju biex naqbdu l-Fast-Ferry tat-7:45am. X’ħin naslu Malta nibqgħu sejrin għal Quddiesa fil-Kappella tal-Medalja Mirakoluża fil-Blata l-Bajda fejn hemm midfun San Ġorġ Preca. Imbagħad se ninqasmu f’żewġ gruppi. Grupp se jmur Montekristo Estates fis-Siġġiewi fejn fost l-oħrajn se nżuru l-Park tal-Annimali. Grupp ieħor se jmur l-ewwel il-Malta Film Studios fil-Kalkara u aktar tard il-War Rooms fil-Belt Valletta. Fis-1:30pm niltaqgħu kollha mill-ġdid fit-Terminal tal-Fast Ferry biex naqbdu lura t-trip tas-13:45pm. Fis-2:30pm naslu x-Xatt u bil-coaches nibqgħu ġejjin l-Oratorju. Għal din il-Ħarġa jistgħu jattendu wkoll ġenituri u familjari oħra. Il-Biljetti għal din il-Ħarġa ta’ Malta jiswew €20 għat-tfal u €30 għall-kbar. Il-biljetti jinkudu x-xarabanks f’’Għawdex u f’Malta, il-biljett tal-vapur, u d-dħul fil-postijiet indikati. Il-biljetti jinkisbu mingħand d. Effie sat-Tnejn 3 t’Awwissu f’nofsinhar.
T-SHIRTS ĠODDA
Infakkrukom li għandna f’idejna T-Shirts ġodda tal-Oratorju. Lit-tfal li jattendu s-Summer Club tajnihom wieħed b’xejn. Min irid jista’ jixtri T-Shirt bil-prezz ta’ €7. Min hu interessat ikellem lil D. Effie.
IS-SĦANA TAS-SAJF
Għadu kif kellna mewġa ta’ sħana qawwija. Huwa mportanti li nżommu ruħna f’saħħitna fis-sajf anki billi nixorbu l-ilma. Nappellaw imma biex fil-Kappella nżommu ċertu dekor. Min iħoss li għandu jixrob jista’ joħroġ fil-kamra ta’ wara l-kappella jixrob, u jerġa lura f’postu.
ŻOMMU DAWN ID-DATI LIBERI
Il-Ħadd 16 t’Awwissu: Festa tat-Twelid ta’ San Ġwann Bosco — Quddies fit-8:00am u fl-10:30am.
It-Tnejn 17 t’Awwissu: Ċelebrazzjoni tal-Birthday ta’ Don Bosco mat-Tfal — Filgħodu mid-9:00am sa nofsinhar: DB Celebration għat-Tfal. Ikun magħna Mons. Isqof Anton Teuma u jkollna wkoll Magic Show, Banda, Face-Painting u Bouncy Castles.
L-Erbgħa 26 t’Awwissu — Concert mit-Tfal tas-Summer Club u BBQ Kbir għall-Familji fi Pjazza Santu Wistin fit-8:00pm.
BOAT-TRIP
Nhar it-Tlieta li ġejja 28 ta’ Lulju il-Kumitat taż-Żgħażagħ tal-Oratorju se jkun qed jorganiżża Boat-Trip għall-istudenti u ż-żgħażagħ. Jistgħu jattendu l-istudenti u ż-żgħażagħ kollha li jiffrekwentaw l-Oratorju. Ikollna ħin għall-għawm f’diversi bajjiet f’Kemmuna, l-Armier u Ħondoq ir-Rummien. Nitilqu mix-Xatt fis-2:30pm u nidħlu lura fil-port tal-Imġarr fit-8:30pm. Prezz: €24. Inkitbu għand xi ħadd mill-Kumitat taż-Żgħażagħ jew għand d. Effie mhux aktar tard minn għada t-Tnejn f’nofsinhar. Postijiet limitat!
ONLINE BOOKING GĦAL “THE PRINCE OF EGYPT”
L-online booking għall-musical “The Prince of Egypt” li l-Oratorju se jtella’ f’Novembru hu miftuħ. Għall-booking tistgħu tidħlu minn hawn. Il-booking mill-Foyer jiftaħ f’Ottubru.
