L-Aħħar Tagħrif
ADORAZZJONI TAL-KORPUS
Illum il-Festa tal-Ġisem u d-Demm tal-Mulej, magħrufa bħala l-Korpus. Matul in-nofs ta’ nhar ta’ filgħodu se tibqa’ għaddejja l-Adorazzjoni fil-Kappella. Dritt wara l-Quddies tat-8:00am u tal-10:30am nagħmlu wkoll Purċissjoni qasira bl-Ewkaristija madwar il-grawnd tal-Oratorju. Din tintemm bil-Barka Sagramentali. Ejjew illum ma nistħux nistqarru mħabbitna lil Ġesu’ Ewkaristija, u dan billi ma nistħux nieħdu sehem sħiħ fil-Quddiesa, fl-Adorazzjoni u fil-Purċissjoni.
XEMGĦA GĦAS-SAGRAMENT
Bħalma tafu quddiem is-Sagrament dejjem ikollna xemgħa tixgħel lejl u nhar. Biex intaffu ftit mill-ispejjeż ta’ dawn ix-xemgħat, b’konnessjoni mal-Festa tal-Korpus qegħdin nagħmlu Appell biex min irid, jagħti xemgħa jew offerta għal xemgħa għal quddiem is-Sagrament. Kellmu lil d. Effie jew lil John Cremona
FESTA TAL-MADONNA TA’ PINU
Peress li llum, 22 ta’ Ġunju, taħbat il-Festa tal-Korpus, it-Tifkira tad-Dehra tal-Madonna ta’ Pinu se tkun ċelebrata għada t-Tnejn. Inħeġġukom biex għada ssibu ftit ħin u tmorru tittawwlu lill-Madonna fis-Santwarju Ta’ Pinu.
SAN ĠWANN BATTISTA
Pitgħada t-Tlieta niċċelebraw it-Twelid ta’ San Ġwann Battista. Huwa wkoll l-“onomastico” tal-patrun tagħna S. Ġwann Bosco. Inqaddsu l-jum tat-Tlieta bis-sehem tagħna fil-Quddiesa.
...U L-QALB TA’ ĠESU’
Il-Festa Liturġika, nhar il-Ġimgħa, tfakkar ukoll il-Jum Dinji ta’ Talb għall-Qdusija tas-Saċerdoti. Dritt wara l-Quddiesa tas-7:00pm nagħmlu ftit mumenti ta’ Adorazzjoni għal kulħadd.
KLABB TAS-SAJF 2025
L-applikazzjonijiet għad-Don Bosco Summer Club 2025 issa huma magħluqa. Il-Klabb tas-Sajf din is-sena se jkun mill-Ġimgħa 4 ta’ Lulju sal-Ġimgħa 29 t’Awwissu. Din is-sena għandna madwar 170 tifel u tifla. Minħabba n-numru ta’ tfal li għandna, għandna bżonn aktar persuni li jistgħu jgħinu bħala leaders, voluntiera u animaturi. Kellmu lil Dun Effie malajr.
TĦEJJIJA TAL-ORATORJU
Fil-ġranet li ġejjin irridu nħejju l-Oratorju biex jilqa’ lit-tfal li f’inqas minn ħmistax oħra jibdew jattendu l-Klabb tas-Sajf. Nagħmlu appell lil kull min jista’ jgħin biex jikkuntattja lil Dun Effie.
PASTA NIGHT U PREŻENTAZZJONI
Is-Snooker Club tal-Oratorju qed jorganiżża Pasta Night nhar l-Erbgħa fis-7:30pm, serata li matulha ssir il-preżentazzjoni tat-trofej mirbuħa dan l-aħħar. Booking għall-Pasta Night mill-Bar. Prezz: €20.
START OF SUMMER BBQ
Il-Kumitat taż-Żgħażagħ se jkun qed jorganiżża Start of Summer BBQ għall-istudenti u ż-żgħażagħ fuq il-Breakwater ta’ Marsalforn nhar it-Tlieta l-1 ta’ Lulju fis-6:00pm. Donazzjoni: €6. Min jixtieq jattendi jibbukkja ma’ Joachim Grech, Matthias Mercieca jew Dun Effie.
ONLINE BOOKING GĦALL-MUSICAL “BEAUTY & THE BEAST”
L-online booking għall-musical “Beauty and The Beast” li l-Oratorju se jtella’ f’Novembru hu miftuħ. Għall-booking tistgħu tidħlu fuq is-sit theatre.donboscogozo.org. Il-booking mill-Foyer jiftaħ f’Ottubru.
SAFRA GĦAS-SUD-TIROL (ITALJA), TIROL (AWSTRIJA) U S-SLOVENJA GĦAŻ-ŻGĦAŻAGĦ
Baqa’ l-aħħar ċans għal dawk l-istudenti u ż-żgħażagħ li jixtiequ jingħaqdu magħna għas-safra ta’ dan is-sajf bejn l-14 u l-20 ta’ Settembru. Kellmu malajr lil Dun Effie.
