L-Aħħar Tagħrif
ATTIVITA’ SOĊJALI
Inħeġġukom biex nhar l-Erbgħa filgħaxija niċċelebraw flimkien il-Lejl tal-Milied. Il-Quddiesa, animata mill-grupp Straight Ahead toħroġ f’Nofs il-Lejl. Biex inżommu l-ordni, araw li tkunu fil-kappella sal-11.45pm. Hija ħaġa sabieħa li għall-Milied naħsbu għal Qrara sinċiera. Imma jekk jogħġobkom tħallux il-Qrar għat-tard. Illejla l-Qrar jibda mill-10.00pm ‘il quddiem. Madankollu waqt il-Quddiesa ta’ Nofs il-Lejl ma jkunx hemm Qrar.
IL-QRARA TAL-MILIED
Tajjeb li fl-okkażjoni tal-Milied nieħdu ħsieb li nagħmlu Qrara sinċiera. Ġesu’ jitwieled tassew f’qalb niedma u sinċiera. Nagħmlu kuraġġ u nersqu għall-Qrar.
IL-PRIEDKA TAL-MILIED
Il-prietka tal-Milied fil-Quddiesa ta’ Nofs il-Lejl, dal-lejl saret mit-tfajjel Gabriel Borg. Nifirħulu u nawgurawlu li jibqa’ jiftakar il-messaġġ sabiħ li wasslilna llum.
ĠABRA SPEĊJALI
Il-ġbir li qed isir fil-Quddies ta’ Jum il-Milied se jmur għall-Fond tar-Refurbishment tal-Oratorju. Inħeġġukom tkunu ġenerużi. Ġesu’ Bambin iberikkom.
“CHRISTMAS KARMA”
Bejn illum il-Ħamis (Jum il-Milied) u nhar il-Ħadd li ġej, il-film Christmas Karma jibqa’ jintwera esklussivament fl-Oratorju kuljum fil-5:30pm, minbarra nhar is-Sibt meta jintwera fit-8:00pm. Huwa film ġdid bażat fuq l-istorja ta’ Charles Dickens. Titilfuhx!
GĦALL-ISTUDENTI U Ż-ŻGĦAŻAGĦ
Għada l-Ġimgħa fit-8:00pm l-istudenti u ż-żgħażagħ se jaraw l-edizzjoni ta’ din is-sena ta’ “Captured Memories” - vidjo li juri l-ħidma u l-attivitajiet kollha li kellhom matul is-sena 2025. Wara se jieħdu xi ħaġa flimkien.
IS-SIBT GĦAL GĦAND L-ANZJANI
Fl-okkażjoni tal-Festi tal-Milied is-Sibt iz-żgħażagħ se jkunu jżuru lil xi anzjani u jagħtuhom l-awguri tal-Milied.
BREAKFAST WITH SANTA
Nhar it-Tnejn li ġej, il-Kumitat taż-Żgħażagħ se jorganiżża għal darb’oħra “Breakfast with Santa” fl-Oratorju. Għall-booking ċemplu fuq 21556616 jew 99487751 jew inkella ibgħatu email fuq:
